వైసిపి ర్యాలీలో బైక్ పై పవన్ బొమ్మ ! .
0 Comments । By Black Cat News । 24 April, 2024
ఆంధ్రప్రదేశ్ లో ఎన్నికల వేడి మొదలైంది..ఈ నేపథ్యంలో నామినేషన్ల ప్రక్రియ కూడా మొదలు కావడంతో నేతల హడావిడా ఎక్కువగా కనిపిస్తోంది. నేతల పాటు కార్యకర్తలు కూడా భారీగా ఎన్నికల ప్రచారం నిర్వహిస్తున్నారు. ఇదిలా ఉంటే ఎన్నికల ప్రచారంలో ఓ విచిత్ర సంఘటన చోటు చేసుకుంది. అధికార పార్టీకి చెందిన ర్యాలీలో ఊహించని దృశ్యం కనిపించింది. ఓ యువకుడు వైసీపీ జెండాతో ర్యాలీకి వచ్చాడు.
విశేషం ఏమిటంటే..ఆ యువకుడు వచ్చిన బైక్‌పై జనసేన అధినేత పవన్ కల్యాణ్ బొమ్మ కనిపించింది. అదే బైక్ మీద టీడీపీ అని కూడా రాసి ఉండటం ఇక్కడ మరో విశేషం. దీనిపై నెటిజన్లు రకరకాలుగా స్పందిస్తున్నారు. ఎవడ్రా నువ్వు.. ఇంత టాలెండ్‌గా ఉన్నావ్ అని కొందరు కామెంట్ చేస్తూంటే….ఏపీలో ఉన్న రాజకీయ పార్టీలన్నీ కూడా కవర్ చేశావ్ నువ్వు గ్రేట్ బ్రో అంటూ మరికొందరు కామెంట్స్ పెడుతున్నారు. ప్రస్తుతం దీనికి సంబంధించిన ఫొటో ఏపీ రాజకీయ వర్గాల్లో హాట్ టాపిక్‌గా మారింది.
CHELLURI DURGA VENKATA SANTHOSH KUMAR's Report
BlackCatNews, Krishna
